一品燒 (Closed)

平時食串燒多數係街邊，一係就係啲日本野食日式串燒。呢間餐廳主打串燒，而且有得坐係到食，無限時，岩哂同朋友傾計聚舊,串燒既款式都有好多，有丸、豬牛雞羊、蔬菜、仲有海鮮,先講海鮮，海鮮既價錢比其他貴，所以只點了芝士生蠔。生蠔比想像中大隻同埋肥，燒得剛好，芝士頗多，食落唔會有腥味,十分推介~而蔬菜類就揀左燒雞脾菇同埋金菇。蔬菜既話份量偏少，如果想飽肚建議多點其他。燒雞脾菇得3塊, 不過味道唔錯, 燒完仲好juicy~而金菇份量就多小小, 食落好香牛油味, 同埋都仲好多汁, 唔錯~肉類就點左餃子雞翼、豬頸肉同埋雞軟骨。餃子雞翼果日做緊特價，$18一份有兩隻，原價$36，好抵.雞翼入面包左豬肉, 幾得意, 所以叫做餃子雞翼, 不過雞翼偏細隻~而豬頸肉醬汁幾惹味，肉質算juicy，推介！雞軟骨就唔推介，份量很少而且燒得太乾，咬唔開。店鋪人手較少，所以上菜有點慢，但服務態度尚可。由於唔限時，所以同朋友坐左好耐傾計，幾適合同朋友聚舊！雖然每樣價錢唔太貴但係份量偏少，要飽肚就要點好多碟才夠，所以埋單都唔平，大家要注意喔。