品曲奇 (利園二期) (Moved) New Location

平時返工一日到黑坐喺office到， 做野做到悶時既時候冇啲零食食下點得架！之前去行銅鑼灣既時候經過間曲奇店，發現佢有一啲自創既港式口味曲奇，勁特別，即刻買返兩盒黎試下！我買左雜錦口味同埋香辣蝦米口味，個包裝都幾靚！雜錦口味真係幾抵試，有成8隻味道咁多，可以先買一盒，睇下邊隻味比較鍾意，下次再encore！呢8隻味分別係XO醬、香辣蝦米、七味粉、蔥油雞、紅棗、杏脯迷迭香、提子花旗參、陳皮子薑、全部都勁特別！我比較鍾意紅棗，因為感覺好養生，味道亦都幾好味！