時新快餐店 (Closed)

聽講時新好似就黎要結業/搬舖，即刻叫埋家人一齊黎食多次。幫襯過呢間店嘅漢堡包好多次，冇一次令我失望。可能今日係星期六，好曬都依然有人排隊。佢嘅格局同裝修完全係間七、八十年代嘅快餐店，相當懷舊，唔係夾硬堆砌出黎嘅新興懷舊冰室feel。一行三人，叫左三個雙層芝士漢堡、一隻炸雞脾同一碟炸薯條，食到飽飽夾埋先係食左$103，好抵食。講返個漢堡包，屋企人第一次食，佢都講左句「點解個沙律醬同個包咁夾」！其實$22蚊個漢堡，當然唔係有咩靚牛肉俾你，但佢就係做到個價廉物美嘅港式漢堡！麵包鬆軟，兩塊肉加埋芝士同特製沙律汁，熱辣辣，真係好食過mc當太多！至於炸雞脾就冇咩特別，普通貨色。薯條都唔錯，係波浪粗薯，上面灑滿鹽，感覺真係好似細個去快餐店。