古早牛肉麵 (Closed)

本來想食隔離嘅越南野，可惜太多人，誤打誤撞入黎食台灣野。裝修幾有台灣風味。紅燒湯底嘅牛肉麵，感覺唔太正宗，就好似係港式牛肚河嘅腩汁味道，加dd豆瓣醬咁。味道係濃嘅，但唔係台灣的味道。牛肚牛筋份量多，而且好淋好入味，值得一讚👍🏻至於麵條就比較普通，欠缺韌度，煮得過軟。起司蛋手抓餅裡面夾著生椰菜絲，幾有趣，唔難食但會掉到周圍係，好碎。見到都知道味道淡，全靠丁點起司嘅味道，就算好食，都係因為手抓餅本身酥脆。