輕鬆一下 (Closed)

係葵涌廣場行街行攰左，想揾個地方坐底休息下，食少少野，依間輕鬆一下絕對係一個好選擇，而且亦都好岩一個人去食。🤔🥢🥄去到見到多數人面前都有一份煎釀三寶同埋一碗碗仔翅/生菜魚肉。所以我都嗌左份煎釀三寶同碗仔翅試下。🐟1️⃣煎釀三寶我就嗌左紅腸、魚蛋同豆腐。三寶上既時候係熱辣辣既。一開始我想叫蕃薯，店員就同我講蕃薯依家炸緊，要等耐啲先有，所以我就叫左其他。魚蛋同豆腐係必食，熱辣辣，而且豆腐大大舊，中間又軟又滑，好抵食。🤤(我去食既時間係夜晚9點幾，可見輕鬆一下並唔會因爲係夜晚就直接話賣晒，而係會繼續整啲新鮮既比人食👍👍)2️⃣碗仔翅完全係我依排食過既碗仔翅入面最足料既(沒有之一)。每一啖都充滿左冬菇、粉絲、雞絲/豬肉絲，超級真材實料，而且只需22蚊。