樓下冰室 (Closed)

係荃灣附近打完拳，男朋友一路推介話之前自己好中意食呢間冰室於是就跟佢去試試，晚餐時間都有幾多人排隊，冰室坐爆但格局唔會感覺侷促，佈置都設計成80年代冰室模樣，紅沙發白瓷磚。我叫左好出名既瑞士雞脾，大大隻，瑞士汁甜度適中，而且上枱佢地都會比好瑞士汁墊底，夠juicy, 肉質嫩滑，最正係連雞皮食，我仲有叫左火腿奄列配蒜蓉多士，蒜蓉味好足，多士烘底外皮夠脆，推介紅豆冰少冰多奶，好多紅豆夠曬味，台式雞扒肉燥飯都值得一試，肉燥撈飯夠juicy, 唔會太過dry, 雞扒醃得夠味，大大碗夠暖胃啦冬天