海安咖啡室 (Closed)

在去澳門之前，先來聞名已久的海安咖啡室食早餐，其實是午餐，而餐廳入面好似聯合國咁，有好多唔同地方嚟嘅遊客。兩個人點咗三樣嘢，分別係香蔥肉牛原多士，鍋仔公仔麵，同埋沙爹牛麵加蛋。三樣嘢入面，嚟得最快係多士，好足料，最有驚喜，連唔食蔥嘅友人，都不停追食，蔥 蛋 牛肉 融為一體，好滑同好香。不過有一樣缺點，一切開多士，啲蛋就滑晒落碟。之後就到鍋仔公仔麵，十分普通，鍋仔亦只係裝飾，入面啲料都係普通嘢，但份量十足嘅。最後一樣係牛麵，佢啲牛肉好新鮮，而且個汁充滿花生香味，不過可以再濃味啲。價錢略貴，而且有啲嘢食係無餐跟，無嘢飲。