Video
Read full review
2020-10-16
145 views
以前喺旺角最鍾意掃街，但自從疫情之後，都好少拎住嘢食一路行一路通街食。但港式小食始終有一種不能形容的港式情懷喺入面，令人念念不忘。最近就發現旺角新開咗一間賣港式小食同車仔麵嘅魚蛋哥，價錢同掃街嘅差唔多，最緊要就係有得坐定定喺度堂食，所以今日同兩個港女行街行到攰，就嚟咗呢度勁食一番。魚蛋都可以有Pantone嘅效果😂😂，辣定唔辣任君選擇！呢度結合咗港式茶餐廳同港式小食店，選擇好多，又有得揀唔同份量，啱晒又為食又唔大食嘅我哋。車仔麵都好吸引，橫掂有啲餓，一於嗌兩碗車仔麵share食。車仔麵叫咗米粉配滷水雞中翼、鮮蝦雲吞、牛丸，加埋辣菜脯，承惠$42。鮮蝦雲吞入面有三隻蝦仁，好爽口；牛丸就有三粒，都有啲肉汁；滷水雞翼我就略嫌佢過熟咗少少，不過味道都OK。另一碗車仔麵揀咗米線配咖喱魷魚、午餐肉、清湯蘿蔔，承惠$37。咖喱魷魚份量多，魷魚爽口，配合埋少少辣嘅咖喱汁，我覺得呢個係必食推介，又抵食又好食！清湯蘿蔔都好入味，清甜得來又冇根，我都覺得係必食嘅！午餐肉就唔使介紹啦，鍾意食嘅就會鍾意食，哈哈！最鍾意碗仔翅、生菜、魚肉暈埋一齊食嘅口感，所以揀咗三溝。碗仔翅稠度適中，味香而爽口，所以我冇落胡椒粉
魚蛋都可以有Pantone嘅效果😂😂，辣定唔辣任君選擇！
呢度結合咗港式茶餐廳同港式小食店，選擇好多，又有得揀唔同份量，啱晒又為食又唔大食嘅我哋。
車仔麵都好吸引，橫掂有啲餓，一於嗌兩碗車仔麵share食。
車仔麵叫咗米粉配滷水雞中翼、鮮蝦雲吞、牛丸，加埋辣菜脯，承惠$42。鮮蝦雲吞入面有三隻蝦仁，好爽口；牛丸就有三粒，都有啲肉汁；滷水雞翼我就略嫌佢過熟咗少少，不過味道都OK。
另一碗車仔麵揀咗米線配咖喱魷魚、午餐肉、清湯蘿蔔，承惠$37。咖喱魷魚份量多，魷魚爽口，配合埋少少辣嘅咖喱汁，我覺得呢個係必食推介，又抵食又好食！清湯蘿蔔都好入味，清甜得來又冇根，我都覺得係必食嘅！午餐肉就唔使介紹啦，鍾意食嘅就會鍾意食，哈哈！
最鍾意碗仔翅、生菜、魚肉暈埋一齊食嘅口感，所以揀咗三溝。碗仔翅稠度適中，味香而爽口，所以我冇落胡椒粉醋都已經覺得好好味！特別要介紹佢嘅魚肉，完全係佢自家製，魚肉唔係平時嘅鯪魚肉，而係魚蛋嗰種魚肉，然後將佢切粒，賣相有啲似芋圓，食落都有Q彈嘅感覺，呢個出面食唔到，又一推介！
煎釀三寶有四款選擇，分別係豆腐、茄子、紅腸同青椒，諗住我哋一行三人，所以叫六件啦，估唔到超大件，尤其是件豆腐成舊番梘咁大舊，食完勁飽囉！
厚切煎釀三寶(6件)
$28
11 views
0 likes
0 comments
因為好想食粢飯，所以叫咗一件，但估唔到咁飽，結果食唔落打包咗隔咗幾個鐘先食，雖然係咁，食落除咗欠缺溫度之外，口感仍然不變，因為本身飯做得夠乾身，所以入面嘅油炸鬼仍有微微脆口嘅效果，配合埋肉鬆同榨菜，食到舔舔脷！
因為叫咗車仔麵，可以半價叫飲品，呢餐真係好滿足！
Post
