Video
2021-04-03
135 views
間唔中就會想去舊式扒房, 不過來來去去都係去個一兩間, 朋友推介係佢屋企附近有間扒房好抵食, 係佢屋企打完牌就一行4人去醫肚~ 雖然係樓上餐廳, 但係係老遠都見到大大個肉肉強食招牌, 餐廳面積好大, 佔哂全層仲分開左兩邊廳, 有落地大玻璃, 卡位十分闊落, 整體感覺有空間感夠開揚。餐廳既枱用上充滿懷舊感的紅白格仔枱布, 播住80年代既歌, 隨住客人漸多, 店員來來去去送餐, 不斷聽到滋滋喳喳作響既鐵板聲, 住部野加埋一齊, 好似去番細細個屋企人帶去扒房鋸扒既感覺~~~一睇MENU之下發覺依度同出面最唔同既地方, 係佢大大隻字標明"不採用鬆肉粉及食粉醃製肉類", 應該冇乜平民扒房夠膽咁樣寫出黎, 真係未食就要比個勁字佢。 羅宋湯+餐飽所有既扒 +$18即可轉成扒餐, 港式扒點可以冇羅宋湯同餐飽, 轉餐是常識吧!! 羅宋湯有好多蔬菜係入面, 足料自然味道濃郁。牛油餐飽係熱而且軟熟既, 收貨!比目魚扒比目魚肉質保持到滑嫩口感又唔會鬆散, 魚味重一D腥味都冇, 貼住鐵板煎一煎表面變成少少金黃更加香口更好食!紐西蘭西冷牛扒大大件既西冷牛扒連塊板都差D唔夠位擺, 因為好在意佢句不採用鬆肉粉, 所
雖然係樓上餐廳, 但係係老遠都見到大大個肉肉強食招牌, 餐廳面積好大, 佔哂全層仲分開左兩邊廳, 有落地大玻璃, 卡位十分闊落, 整體感覺有空間感夠開揚。餐廳既枱用上充滿懷舊感的紅白格仔枱布, 播住80年代既歌, 隨住客人漸多, 店員來來去去送餐, 不斷聽到滋滋喳喳作響既鐵板聲, 住部野加埋一齊, 好似去番細細個屋企人帶去扒房鋸扒既感覺~~~
一睇MENU之下發覺依度同出面最唔同既地方, 係佢大大隻字標明"不採用鬆肉粉及食粉醃製肉類", 應該冇乜平民扒房夠膽咁樣寫出黎, 真係未食就要比個勁字佢。羅宋湯+餐飽
所有既扒 +$18即可轉成扒餐, 港式扒點可以冇羅宋湯同餐飽, 轉餐是常識吧!! 羅宋湯有好多蔬菜係入面, 足料自然味道濃郁。牛油餐飽係熱而且軟熟既, 收貨!
比目魚扒比目魚肉質保持到滑嫩口感又唔會鬆散, 魚味重一D腥味都冇, 貼住鐵板煎一煎表面變成少少金黃更加香口更好食!
紐西蘭西冷牛扒大大件既西冷牛扒連塊板都差D唔夠位擺, 因為好在意佢句不採用鬆肉粉, 所以特別期待牛扒肉質, 切落去既時候係軟腍, 入口果然腍得黎仍保持到肉感既咬口!! 而肉味亦重, 要知道用鬆肉粉既牛味會"那"到冇哂, 真係一食就知確實係有分別。另外想讚下佢既黑椒汁, 夠香辣濃味, 無論點肉定點薯條都好好食。
吉烈豬柳 (限量!!!)沒有最抵, 只有更抵系列!!! 鐵板吉烈豬柳只係$20, 今時今曰$20連買杯珍奶都唔得, 而且配菜粟米同西蘭花等一樣比得咁足, 兩件豬柳好香口外層脆卜卜, 肉質有咬口又唔會炸到乾爭爭, 配上既蒜蓉汁仲要加左一堆蒜蓉係面(有D餐廳要加錢架!!) 每日限量50份, 手快有手慢冇呀!!
手打牛肉漢堡手打牛肉漢堡份量同佢既鐵板系列一樣好有睇頭, 即叫即做, 漢堡包皮加左牛油烘烤過有焦香又帶脆, 漢堡扒厚身大塊, 手打肉質感實淨帶彈牙, 生熟度岩岩好, 牛味香而且係JUICY架! 加埋芝士, 蕃茄同埋紫椰菜生菜等, 絕對唔會輸比出面麥賣BURGER店。
最後仲有兒時回憶花奶啫喱!!!!好耐無食過啦!!!一樣咁好味, 回憶番哂黎
最後飲埋餐飲, 賣單時先發覺沒有最抵, 只有更抵系列2, 餐廳係唔收加一服務費, 我同朋友都食到好滿足, CP極高, 一定會再次幫襯~~
Post
