金和記海鮮菜館

Open Now

Now Closed

今晚朋友帶我黎左呢度打邊爐好有特色，使用炭火食火鍋真係第一次食，感覺好地道港式懷舊風味，用炭爐打邊爐一路食仲聞到陣陣炭香味。花雕醉雞鍋湯底揀咗花雕醉雞鍋，上枱時已經聞到好香濃花雕酒香，雞件肉質鮮嫩好滑，飲左幾啖湯頭暖身又暖胃，湯底完全不油膩，鮮雞味加上香濃花雕酒香，最後我飲咗3碗湯。手打鮮蝦滑 用鮮蝦打到起曬膠，啖啖新鮮蝦肉好彈牙，調味方面恰到好處。聽職員講呢度嘅海鮮都係每日新鮮來貨，不會擺過夜👍🏻訂位時可以提早一日預先留定海鮮，咁就可以食到自己想食嘅海鮮，無特別預留當日都有海鮮供應，同埋可以Whatsapp留定火鍋煲安排餐廳起定，咁來到即刻滾即刻食。值得一讚呢度嘅店員服務周到，好熱情招待，上菜有效率。