Video
Read full review
2011-07-21
12 views
首先，極端o既評語我覺得唔需要盡信，人人既 expectation 都唔同～ 亞士厘道哩間花園餐廳可能位置比較偏少少，所以次次去都唔係好多人，第一次去o個陣都驚唔係好野，但發覺都唔差，地方又大又易揾位，最正係成日都有窗口卡位坐！ 而且以扒房嚟講佢地既抽氣算唔錯，好多其它扒房煙霧彌漫好似地下賭檔咁，食完成身一陣燒烤除，哩間反而無咁既情況，做得幾好～ 我最鍾意佢地既黑椒牛柳餐，兩大塊扒連餐湯餐包夠食有凸～餐包雖然係行貨，但至少叮番暖暖地溫度岩岩好～ 有 D 地方唔係凍既就係叮到超熱，一係 D 水氣搞到個包”淋“晒，佢地剛好～羅宋湯好多料，我最鍾意多野食既羅宋湯 湯味都夠濃又唔太酸又唔係太辣，唔錯～ 唔似得有 D 餐廳個紅湯一唔係好辣就好稀或者好少蔬菜，有 D 落好多檸檬搞到酸味搶晒～ 個牛柳真係好大份！ 仲要有兩塊！ 唔係好多地方哩個價錢俾到兩塊咁大既牛柳你 (記住講緊係牛柳渦，唔係 T 骨唔係西冷) 仲要鐵板上；牛柳當然係夠”淋“身但又唔係用 D 鬆肉粉“喇”到無晒牛肉味o個隻；我食開好熟我叫 7 成既 (我個人認為牛扒食生過 5 成咁不如食牛刺身)，佢地都岩岩好，哩度既牛柳的確係唔錯
亞士厘道哩間花園餐廳可能位置比較偏少少，所以次次去都唔係好多人，第一次去o個陣都驚唔係好野，但發覺都唔差，地方又大又易揾位，最正係成日都有窗口卡位坐！ 而且以扒房嚟講佢地既抽氣算唔錯，好多其它扒房煙霧彌漫好似地下賭檔咁，食完成身一陣燒烤除，哩間反而無咁既情況，做得幾好～
我最鍾意佢地既黑椒牛柳餐，兩大塊扒連餐湯餐包夠食有凸～
餐包雖然係行貨，但至少叮番暖暖地溫度岩岩好～ 有 D 地方唔係凍既就係叮到超熱，一係 D 水氣搞到個包”淋“晒，佢地剛好～
羅宋湯好多料，我最鍾意多野食既羅宋湯 湯味都夠濃又唔太酸又唔係太辣，唔錯～ 唔似得有 D 餐廳個紅湯一唔係好辣就好稀或者好少蔬菜，有 D 落好多檸檬搞到酸味搶晒～
個牛柳真係好大份！ 仲要有兩塊！ 唔係好多地方哩個價錢俾到兩塊咁大既牛柳你 (記住講緊係牛柳渦，唔係 T 骨唔係西冷) 仲要鐵板上；牛柳當然係夠”淋“身但又唔係用 D 鬆肉粉“喇”到無晒牛肉味o個隻；我食開好熟我叫 7 成既 (我個人認為牛扒食生過 5 成咁不如食牛刺身)，佢地都岩岩好，哩度既牛柳的確係唔錯～ 唯一係個黑椒汁唔係好夠辣，有黑椒香但唔夠濃，可以再重手少少～ 但佢地既汁係一個細金屬桶裝住，你想加汁，伙計可以隨時過嚟加俾你～
配菜就唔好要求太多，塊鐵板唔係好大塊，所以 D 粗薯條墊扒底之後就俾 D 汁整“淋”晒，但鐵板餐就係咁，牛扒咁大塊都幾乎唔夠位擺仲想點？ 仲有棵小棠菜添！港式扒餐就係咁奇趣～ 不過香港人如果要挑剔 D 配菜的話，不如自己檢討吓點解咁多人浪費晒 D 配菜唔食？ 人地做飲食見 D 客日日浪費咁多配菜，人地仲點會有心落咁好料俾你地o徙？ 你唔欣賞，人地就唔會落本落去，哩個係雙向既矛盾，都係源於香港人浪費食物既陋習～ 就算 D 薯條炸到好金黃好靚外脆內軟又夠薯仔味再分開上，我敢講一定都會有人彈三彈四，唔係就成份擺番響度唔食又話飽又話肥又剩... 你睇香港人食自助餐o個副德性就知～
雖然服務方面唔會令你覺得自己好尊貴，但港式扒房而言，以我個人經驗嚟講係唔差，至少一舉手 D 伙計好快就有反應，都未試過上錯菜，伙計態度唔係話好差，不過不失咁啦～ 如果俾少少錢就覺得自己係大老細，咁既態度去到邊度食都唔會開心，更唔會特別受到禮遇～ 話雖然人地係做服務性行業，但態度既野都係雙向既，個客寬容少少，D 伙計態度都會好 D，至少以我個人經驗嚟講哩個世界就係咁～
Post
