Video
Read full review
2008-10-01
35 views
30-9-2008好耐無去銅鑼灣食 dinner, 呢日拉了朋友 K「爬」上0黎朋友 I 介紹的呢間上樓店試試, 難得公眾假期前夕 8:00pm walk-in 都有位. 原來有每人最低消費 $120, 不過我0地叫了好多0野 share 食, 絕對無問題. - 前菜係辣味切粒牛舌 (!) 及漬物: 唔鍾意食漬物, 只食了 d 牛舌, 爽爽的又辣辣0地, 幾特別, 不過辣汁幾「現成」feel, 印象一般.- 三文魚刺身 (一客 6 片): 三文魚刺身係朋友至愛, 我就愈0黎愈唔鍾意食, 呢度的算新鮮, 但絕對算不上肥美, 一般; Wasabi 係「牙膏」貨, 唔香又唔辣, 可幸豉油正常...- 鹽燒牛舌 (一串): 濕濕的, 似汁燒多 d, 不過爽口鹹香又豐腴, 都幾好食.- 軟殼蟹卷 (4 件): 係青瓜 + 炸軟殼蟹「反卷」上面鋪了牛油果, 沙律醬及一堆蟹籽, 見隔0黎檯叫0個一整卷賣相唔錯, 所以叫了半卷試試. 軟殼蟹炸得脆口無油, 不過都幾多粉0下; 配上牛油果, 帶點蛋香的沙律醬及凍凍黏黏的壽司飯, 十足食沙律, 口味幾清新, 不錯.- 鰻魚炒飯: 賣相濕濕的
好耐無去銅鑼灣食 dinner, 呢日拉了朋友 K「爬」上0黎朋友 I 介紹的呢間上樓店試試, 難得公眾假期前夕 8:00pm walk-in 都有位. 原來有每人最低消費 $120, 不過我0地叫了好多0野 share 食, 絕對無問題.
- 前菜係辣味切粒牛舌 (!) 及漬物: 唔鍾意食漬物, 只食了 d 牛舌, 爽爽的又辣辣0地, 幾特別, 不過辣汁幾「現成」feel, 印象一般.
- 三文魚刺身 (一客 6 片): 三文魚刺身係朋友至愛, 我就愈0黎愈唔鍾意食, 呢度的算新鮮, 但絕對算不上肥美, 一般; Wasabi 係「牙膏」貨, 唔香又唔辣, 可幸豉油正常...
- 鹽燒牛舌 (一串): 濕濕的, 似汁燒多 d, 不過爽口鹹香又豐腴, 都幾好食.
- 軟殼蟹卷 (4 件): 係青瓜 + 炸軟殼蟹「反卷」上面鋪了牛油果, 沙律醬及一堆蟹籽, 見隔0黎檯叫0個一整卷賣相唔錯, 所以叫了半卷試試. 軟殼蟹炸得脆口無油, 不過都幾多粉0下; 配上牛油果, 帶點蛋香的沙律醬及凍凍黏黏的壽司飯, 十足食沙律, 口味幾清新, 不錯.
- 鰻魚炒飯: 賣相濕濕的, 都有 d 擔心, 不過粒粒珍珠米 (!) 沾上鰻魚燒汁的甜味, 味道唔錯喎; 面頭的菜苗就有點多餘, 可以不理.
- 鰻魚豆腐天婦羅: 點可以錯過呢度的自家製名物? 用豆腐夾住鰻魚, 再用紫菜卷住蘸粉炸, 炸粉太厚又唔夠脆, 亦可能因為咁, 朋友似乎唔多欣賞; 豆腐就極滑溜, 雖然淡口, 但配上濃濃甜甜的鰻魚, 效果唔錯. 值得試0下!
- 鵪鶉蛋 (一串): 好耐無食鵪鶉蛋, 蛋白面頭帶點香口, 蘸少少鹽, 幾好食.
- 仲有 complimentary 雪糕一球: 揀了豆腐味 (亦可選咖啡味), 質感似 sherbet 多 d , 有淡淡豆漿味, 味道 ok.
被安排了坐0係對面的舊 "Magic Sugar" 鋪位內, 雖然裝修俗氣, 而且都真係好嘈0下, 不過坐得都幾舒服, 算啦; 招呼就好好, 男店員禮貌至極, 態度友善, 值得一讚.
埋單約 $150 一個頭, 食物係港式日本料理之中比較日式的, 都唔算太貴, 可以一試.
Post
