花楽 (翩滙坊) (Closed)

將軍澳南有不少日本料理，有串燒店、日式吉列專門店，也有走港式日本料理路線，烏冬、日式咖喱、丼飯、刺身 / 壽司等等樣樣有齊的餐廳，今日就去了「花樂」。這個商場的位置及不上 Monterey，餐廳級數及價錢定位低半個檔次，景觀也稍為遜色；但仍然開陽，有充足自然光線，用餐環境也算舒適。芝士吉列豚肉定食（$98）用濃稠芝士醬汁配搭吉列豬扒，有點不倫不類，總認為芝士醬汁應該配焗飯或意大利麵；幸好醬汁味道適中，並不太鹹。吉列豬扒賣相麻麻，麵包糠太少、雞蛋粉漿則太厚，咬下去唔夠鬆脆，甚至有點腍；最大問題是未能等緊緊包裹豬扒，同豬扒完全分離。豚肉味道及肉質一般、欠豚脂油香，同日式吉利豬扒專門店的出品比較有一段距離，只勝在抵食。日式燒牛肉丼（$98）相對好吃得多。大大大碗白飯表面鋪滿洋蔥絲，配搭烤香了、而並非簡單煎熟的薄切牛肉，再加上日式牛丼醬汁，味道幾好。半熟玉子味道同樣出色，半生熟蛋白加上流心雞蛋黃，拌勻甜甜地的牛丼醬汁及白飯一啖啖入口，很好吃。試了餐廳三款主食，燒牛肉丼合格，另外兩款麻麻地；但環境及價錢又幾吸引，下次會不會再光顧呢？