Video
Read full review
2018-07-22
781 views
一早帶肥髀游水，先在泳池附近搵餐廳食早餐，揀咗呢間因爲係台式店，點知去到門口睇餐牌，全部早餐都係港式同西式，無台式食品，時間關係都入去，店內嘅裝修幾清新，綠色加彩色咕𠱸！去到間餐廳無客人，得一個肥男店員，問咗只提供早餐，其他餐牌上台式食品飲品都無！落單後男店員就去煮食！等待期間，陸續有廚師同店員返工，就開始咗粗口橫飛嘅狀況，兩個廚師不停傾偈，對話中粗口佔據率極高（講真粗口仲多過內容）而佢哋間中出來搵個男店員傾偈，3個人都勁粗口，呢啲粗口配菜真係頂不順，仲要有肥髀在，又唔係去大排檔，佢哋在廚房講我無得計較（雖然無隔音，完全聽晒佢哋講乜，始終唔係客人會入嘅地方）但在大堂都肆無忌憚咁粗口對答，好唔尊重自己同客人！😡薄牛扒歐陸早餐（$38）煎牛扒無牛味，好柴好乾有筋，多士烘過但放淋咗了，唔脆略韌，炒蛋偏老，腸仔煎好應該放咗陣，皮已經雛晒，鹹味正常，茄汁豆無碗另上（全日早餐有）味道正常，但所有野都好油膩（即每樣食材都比油包住）熱豆漿（$8）明明我都係叫豆漿，佢呢張單又收我$8，肥髀個餐收$3，完全唔合理，熱嘅仲貴過凍嘅？雖然比凍飲一樣嘅份量，但勁甜，飲唔到豆味，只有甜味，飲咗1/3已頂唔順（真係
店內嘅裝修幾清新，綠色加彩色咕𠱸！去到間餐廳無客人，得一個肥男店員，問咗只提供早餐，其他餐牌上台式食品飲品都無！落單後男店員就去煮食！等待期間，陸續有廚師同店員返工，就開始咗粗口橫飛嘅狀況，兩個廚師不停傾偈，對話中粗口佔據率極高（講真粗口仲多過內容）而佢哋間中出來搵個男店員傾偈，3個人都勁粗口，呢啲粗口配菜真係頂不順，仲要有肥髀在，又唔係去大排檔，佢哋在廚房講我無得計較（雖然無隔音，完全聽晒佢哋講乜，始終唔係客人會入嘅地方）但在大堂都肆無忌憚咁粗口對答，好唔尊重自己同客人！😡
薄牛扒歐陸早餐
52 views
0 likes
0 comments
薄牛扒歐陸早餐（$38）煎牛扒無牛味，好柴好乾有筋，多士烘過但放淋咗了，唔脆略韌，炒蛋偏老，腸仔煎好應該放咗陣，皮已經雛晒，鹹味正常，茄汁豆無碗另上（全日早餐有）味道正常，但所有野都好油膩（即每樣食材都比油包住）
熱豆漿
20 views
0 likes
0 comments
熱豆漿（$8）明明我都係叫豆漿，佢呢張單又收我$8，肥髀個餐收$3，完全唔合理，熱嘅仲貴過凍嘅？雖然比凍飲一樣嘅份量，但勁甜，飲唔到豆味，只有甜味，飲咗1/3已頂唔順（真係好少會難飲到飲唔晒杯豆漿）難飲
全日早餐
22 views
0 likes
0 comments
全日早餐（$65）肥髀食，份量真係大份，仲要多碗火腿通粉，賣相ok，但啲食材就好似將餐廳有嘅材料攞晒出來晒冷，因為仿鮑片都有（肥髀仲以為係菇片）佢食咗2/3就話啲食物好油膩食唔落！（咁應該所有野都重油）
有機凍豆漿（$3）肥髀飲
肥男店員唔計同廚師講粗口，招呼上係斯文有禮，不過招呼技巧就粗糙啲，好似我哋兩個份餐都要用刀，但只得一把刀在枱面籃仔，佢發現到，在一個紙箱內取出一把濕淋淋嘅餐刀比我，同我講唔好意思剛剛洗好，咁正常我預期係，佢咪攞張紙巾在我面前抹乾先比我，而唔係直接比把濕到滴水嘅刀客人自己抹！😑另一個女店員在食緊中間返工，無講粗口，我走時佢收錢，斯文有禮！
附帶門口有掛透明膠簾阻隔冷氣，但塊簾長得滯拖晒地，門口又有一級，真係好易kick跌人！危險
食物已經唔好味，再加粗口配菜！頂唔順！無下次！
Post
