時新漢堡飽 (Closed)

以前返理工都會去時新食個包做午餐，但自從搬咗舖後都好耐無食過。既然今日去黃埔睇戲就去嘆個港式漢堡包。新舖比以前闊落及更多座位。兩點嚟到唔洗等位仲有下午茶餐。下午茶選擇多有包、有麵、有小食。足料雙層漢堡係自家製新鮮牛肉扒，肉質厚實無肥膏及肉筋，肉汁鮮味，仲有少許洋蔥味。蛋煎至全熟有少許香口燶邊，值得一提係個時新醬，酸酸甜甜加上少少洋蔥粒，好醒胃。炸魚香脆熱辣辣，魚肉嫩滑有汁，炸魚扒加上酸甜時新醬好夾。波浪粗薯條炸得香脆唔油膩，粗薯條外脆内軟，口感不錯。兩杯凍飲都大大杯。