添福小食 (Closed)

大家行開深水埗都可以試吓呢間外賣漢堡店🍔 主打港式漢堡，味道都幾好😚 由於order係即叫即整，所以基本上長期排長龍，如果夜去更有機會好多食物都賣晒🤧⠀🌯 墨西哥雞卷 $20 (凍食)呢個係第一次去時唯一賣剩嘅種類，本身諗住又凍食仲要賣剩一定麻麻地🤨 點知勁驚喜😣 雖然係凍食但雞肉嫩滑，完全冇乾爭爭嘅感覺😌 沙律醬同雞卷好夾，不過就唔係好關墨西哥事😂🍔 黑椒牛肉漢堡 $21呢個係我第二次去先食到，麵包烘到熱辣辣而且帶有煙韌😙 手打牛肉咬落去有汁，煎得啱啱好唔會韌，而且入面仲有洋蔥粒，成個口感不錯😌 醬汁就普通茄汁～另外都有叫燒賣魚蛋呢啲小食，唔算太特別，一試無妨，都係包類比較出色😙