喜鍋 海鮮‧火鍋‧小廚 (Closed)

冬天最岩就打邊爐，話說呢日同同事興致勃勃講開，收工就即刻去，即講即做完全冇猶豫呢日係平日，呢間旺角小店都算坐得幾闊落，而且最好冇限時最岩飲住啤酒講下是非八卦喇😂火鍋湯底都算有幾多選擇，由普通沙嗲鴛鴦鍋底，仲有麻辣/藥膳鍋等等。但因為同事唔食辣，所以我哋就揀左最滋陰嘅花膠鯊魚骨湯底，貪佢打得邊爐之餘仲可以飲下湯補下身🤭🤭湯底初初上嘅時候，湯頭清甜唔算濃郁，鯊魚骨份量多，湯頭熬多一陣會濃郁一點。呢個湯底會附送脆米，飲湯之餘仲會食到脆卜卜口感幾得意而且都幾飽肚。呢間小店職員都幾熱情，都介紹左好幾款時令火鍋料比我地選擇。見到呢個磯煮飽魚，只係$18.8，仲人頭限一隻，比呢個價錢吸引左就order左一客做餐前小食喇。上菜時都比佢嚇親，有花伴碟仲好仙氣勃勃咁出哂煙味道方面，鮑魚煮得夠入味用黎做餐前小食幾唔錯配料方面選擇都好多，但因為我地得兩個人而且同事唔食牛，好多野都order左半份黎試，半份嘅配料件數雖然唔算多，但份量大而且足料，整體幾滿意。雞件$88 - 估計有半隻，肉厚而肥瘦適中響鈴 半份有3件 $32 - 一件嘅size都幾大，而且夠脆，浸一浸半淋半脆狀態就最好食😋芝士墨魚丸 半份有2件