鴻圖樓茶餐廳

Open Now

Now Closed

上次經過鴻圖道知道行入碼頭方向都有食店，唔駛下下行到市中心揾食，今次又去果邊做野就去左鴻圖樓地下既鴻圖樓荼餐廳食lunch。可能因為係茶樓既下面，所以呢間茶餐廳真係覺得都幾大間，加上茶餐廳特色就係上菜快，所以lunch 時間都唔駛等好耐就有位可以日餐喇。 等位期間見好多人叫燒味食，我都唔執輸叫返個叉燒燻蹄飯加個凍奶茶食下。份量係正常既，唔會食唔飽，燻蹄大大塊，好入味，完全唔駛用到上既醋都己經餸到飯，而叉燒份量都多，就咁望落去餸仲多過飯。佢地既燒味係唔錯既，同埋可以肯定既係自己廚房整，唔係入貨返黎，因為食到一半聽到師傅大叫燒肉出爐，岩岩出爐既燒肉我都好想試下，一定好脆卜卜。