金牌

Open Now

Now Closed

最近成日都食好多唔同菜式嘅餐廳，有時都會覺得好特別，但係有時都會想食返啲本地啲嘅晚餐。今日就嚟到淘大新開嘅金牌港式茶記。大概7:00左右嚟到，門口已經大排長龍，但係等咗大概15分鐘都可以入座。晚市有套餐可以選擇，套餐入邊包咗蒜蓉多士、餐湯、煙三文魚沙律、主菜同飲品。我今次就叫咗佢嘅鐵板西冷牛扒配帶子，其實食佢哋嘅前菜同沙律都已經飽咗三成，因為真係好大份。煙三文魚沙律唔知點解係我感覺有少少怪，好似變咗西餐咁，但係味道係好食嘅。而最驚喜係佢個蒜蓉多士，烤得好趣之餘佢嘅蒜蓉醬亦都好入味。而西冷牛扒帶子方面，佢嘅牛扒非常之厚，而且因為加咗蒜嘅關係，每一啖都食到濃郁嘅香味。帶子就不過不失，整體嚟講都非常之飽。而我朋友就叫咗雞扒司華力腸鐵板餐，份量都真係相當之唔細，雞扒嘅味道都好入味道，但係對於司華力腸得半條就有少少失望🥹。味道嚟講絕對係過關，好食嘅港式茶餐廳已經越來越少，希望佢哋可以越做越好😛。