辦館 (Closed)

由細食到大既出前一丁竟然喺香港開左間主題餐廳，當然要黎打個卡啦。一去到門口就見到可愛既清仔歡迎你，入面都有隻好大既清仔比你影下相呃LIKE。但另一方面，呢間餐廳其實都係bar，亦都有個bar位。黎到bar點可以唔飲番2杯，我自己就要左杯聲稱清肝熱既蘆薈無酒精飲品Alo Hon，飲落去好有熱帶感覺既果汁，好開胃，加上一粒粒蘆薈同雜果，好清新。朋友就要左杯店員介紹既酒精飲品Rumnella, 係一杯好帶有薑味既Rum酒，甜甜地幾易入口，女仔都可以飲到。重點係杯下面有個閃燈會不停轉色，好靚!唔單止環境fusion, 食物都好fusion，呢度係港式茶餐廳食物cross over西餐，今次就揀左個沙嗲安格斯牛肉芝士多士，陣熟悉既沙嗲味配上高質既牛肉，半溶既芝士配上脆多士，仲有一隻流心蛋，呢個組合點會唔好食呢! 另外都要左一碟朋友最愛既Carbonara，可以話係我食過最出色既之一，十分十分香濃既蛋黃同芝士味，又唔會太過稠黏住個口，可能真係太口味，份量真係少左D， 如果大碟D就更滿足!呢度環境闊落，D食物又有新意又好味，真係好岩同朋友黎飲下酒傾下計，如果想再有FEEL D，建議早少少BOOK位，