蘭芳園 (Closed)

熊貓要過大海啦，過大海前，就梗係要醫左肚先上船啦。信德中心間間食肆都大排長龍，見到蘭芳園比較少人排隊，所以我哋就去排啦。叫咗兩個餐，一個係豬扒米粉配奶油豬，另一個係叉燒通粉，配火腿奄列。當然要叫招牌嘅熱奶茶啦。奶油豬略嫌太乾，下次再嚟嘅話要記得叫佢多奶油，其他嘢食都係不過不失啦，不過杯奶茶就幾好飲，茶香奶滑。以呢度嘅食物來講，我覺得偏貴，食物同外面普通茶餐廳都係一樣，但係價錢就貴一大截，所以如果唔係去開附近都唔使特登嚟。可能你樓下茶餐廳都食到差唔多嘅嘢。