龍門冰室 (Closed)

第一次入龍門居，正常一場嚟到會掃小食。但以嫁受疫情影響，為咗確保食飯食得安全啲，如果要出街食都盡量揀返餐廳先。之前都幫襯過龍門冰室分店，後來都想試下最原始風味，所以就去咗食龍門冰室。餐廳環境而言，係經典港式茶記感覺，無任何花巧設計，實用為主。我地當日嘅座位對正廚房門口，毫無掩蓋，所以廚師講野都幾應聲。-傳統英式早餐 $68套餐一共包括炒滑蛋、煎午餐肉、德國紐倫堡腸、煙三文魚、煙肉、炸蝦、薯餅、焗豆、多士。以$68免加一呢個價錢嚟講，呢個餐都幾抵食，份量夠晒大，男仔食都夠飽。煙三文魚做得唔錯，鹹香帶鮮。多士並非單塊蘸取牛油就算，而係整到好似三文治咁夾住牛油，幾特別。薯餅同炸蝦都唔會炸得過火，香口帶酥感。-流心奄列餐 $50可以自選配菜及醬汁，我揀咗豬扒茄汁意粉配奄列。奄列配大量意粉，呢個餐份量同樣唔惹少。欣賞豬扒煎得好香，豬肉香濃郁，口感頗鬆軟。可惜茄汁唔夠突出，酸甜度遜色。