金龍冰室 (Closed)

商業區午餐時間周圍都係人，要食得好坐得舒服，真係要搞搞腦筋。 今日到金龍冰室食飯，去呢度食有個好處，餐廳裏面夠乾淨企理，座位都幾舒適，食物方面選擇也算多。 通常也是一人一份，價錢也大眾化又包飲品。 今餐叫了魚香茄子飯，魚香茄子好有咸魚味，雖然係碟頭飯但味道帶有小炒鑊氣。跟餐白飯也粒粒分明，並不是漿糊hea飯。 至於同事叫咗咖喱牛腩配3.6炒蛋，一個選配白飯，另一位選配撈丁。 好有港式咖哩風味， 咖哩汁底夠濃送飯或麵都好味。