Video
Read full review
2023-02-19
275 views
今日同朋友係D2 Place行完街，就嚟到呢間港式風味經典扒房享用晚餐。呢度有各式各樣唔同嘅扒餐可供選擇，美式又有，港式又有，豬牛羊雞扒全部都有。最後我哋叫咗一個西冷牛扒餐、一個鴛鴦扒餐，以及一個小食拼盤。餐包同餐湯係扒餐嘅標準配搭，紅湯白湯我哋各點了一碗，都幾大碗，紅湯嘅材料比較多，味道酸中帶有點點辣。小食拼盤 ($88)小食拼盤包括黑椒蜜糖雞翼3隻、日式吉列炸蝦3隻、吉列手指魚3隻、脆脆薯格。原本其實只係想叫脆脆薯格，但見到有呢個小食拼盤，價錢只係貴少少就可以試多幾款小食 ，非常之抵。所有小食都炸得好香脆，特別係脆脆薯格，一啲都唔會稔。日式炸蝦配上千島醬非常之夾。 鴛鴦扒餐 ($124)佢係雞扒加豬扒，份量非常多。兩塊扒都好大塊，揀咗黑椒汁。黑椒汁淋起鐵板上產生出既咋咋聲，真係好治癒 。雞扒同豬扒都好稔，豬扒一啲都唔會鞋口。 雞扒吸收晒啲黑椒汁好入味西冷牛扒餐($138)揀咗七成熟，但由於鐵板原本都有熱力， 所以令七成熟嘅牛扒食落似九成熟 。西冷牛扒冇牛柳咁諗，但較有口感，牛味亦都幾香。唯一係啲筋位有啲太靭，要咬比較耐。PS1：餐飲跟餐價冷熱同價PS2：我地六點半入座剛好不用等位，
呢度有各式各樣唔同嘅扒餐可供選擇，美式又有，港式又有，豬牛羊雞扒全部都有。最後我哋叫咗一個西冷牛扒餐、一個鴛鴦扒餐，以及一個小食拼盤。
餐包同餐湯係扒餐嘅標準配搭，紅湯白湯我哋各點了一碗，都幾大碗，紅湯嘅材料比較多，味道酸中帶有點點辣。
小食拼盤 ($88)
小食拼盤包括黑椒蜜糖雞翼3隻、日式吉列炸蝦3隻、吉列手指魚3隻、脆脆薯格。
原本其實只係想叫脆脆薯格，但見到有呢個小食拼盤，價錢只係貴少少就可以試多幾款小食 ，非常之抵。
所有小食都炸得好香脆，特別係脆脆薯格，一啲都唔會稔。日式炸蝦配上千島醬非常之夾。
鴛鴦扒餐 ($124)
佢係雞扒加豬扒，份量非常多。兩塊扒都好大塊，揀咗黑椒汁。黑椒汁淋起鐵板上產生出既咋咋聲，真係好治癒 。
雞扒同豬扒都好稔，豬扒一啲都唔會鞋口。
雞扒吸收晒啲黑椒汁好入味
西冷牛扒餐($138)
揀咗七成熟，但由於鐵板原本都有熱力， 所以令七成熟嘅牛扒食落似九成熟 。西冷牛扒冇牛柳咁諗，但較有口感，牛味亦都幾香。唯一係啲筋位有啲太靭，要咬比較耐。
PS1：餐飲跟餐價冷熱同價
PS2：我地六點半入座剛好不用等位，但七點半我地離座時，出面已經幾多人等緊
Post
