Video
Read full review
2020-05-09
848 views
雖然呢間樓上店位於酒吧扒房林立嘅蘇豪區，但佢拒絕隨波逐流，主打港式fusion菜。我同朋友叫左兩個午餐，原本想試手撕豬肉炒意粉，可惜當日已售罄，下次黎要食返呢款同食普洱茶香雞翼。.港式卡邦尼炒腸粉：卡邦尼意粉就食得多，配腸粉真係幾新奇，腸粉有輕輕煎過，上面灑上芝士碎、冬菇、煙肉碎、蘑菇同洋蔥，醬汁好creamy，質地較稀，但腸粉本身好索汁，唔會出現掛唔到汁嘅情況，呢個配搭令人喜出望外，不過一個人食會較膩，建議多人分享。.香蒜啤酒蜆肉意粉：餐牌好貼心寫明有芫荽，唔食嘅客人可要求唔落，扁意粉有咬口，食得出酒味蒜香亦好出，蜆肉大大隻，不過間唔中一兩隻有沙，呢個意粉輕輕地都唔錯，但我鍾意重卡邦尼炒腸粉多啲。.蘋果茉莉花茶/洛神花荔枝紅茶：午餐跟一杯指定飲品，蘋果茉莉花茶幾消暑解膩，朋友話洛神花荔枝紅茶較甜。.P.S. 最近見到呢間餐廳畀人爆格，希望大家去懲罰佢，食物質素唔錯㗎！
.
港式卡邦尼炒腸粉：
卡邦尼意粉就食得多，配腸粉真係幾新奇，腸粉有輕輕煎過，上面灑上芝士碎、冬菇、煙肉碎、蘑菇同洋蔥，醬汁好creamy，質地較稀，但腸粉本身好索汁，唔會出現掛唔到汁嘅情況，呢個配搭令人喜出望外，不過一個人食會較膩，建議多人分享。
.
香蒜啤酒蜆肉意粉：
餐牌好貼心寫明有芫荽，唔食嘅客人可要求唔落，扁意粉有咬口，食得出酒味蒜香亦好出，蜆肉大大隻，不過間唔中一兩隻有沙，呢個意粉輕輕地都唔錯，但我鍾意重卡邦尼炒腸粉多啲。
.
蘋果茉莉花茶/洛神花荔枝紅茶：
午餐跟一杯指定飲品，蘋果茉莉花茶幾消暑解膩，朋友話洛神花荔枝紅茶較甜。
.
P.S. 最近見到呢間餐廳畀人爆格，希望大家去懲罰佢，食物質素唔錯㗎！
68 views
0 likes
0 comments
Post
