Video
Read full review
2023-04-16
1368 views
放假又嚟牛頭角搵食，上次同朋友去咗間無印風 Café 食 lunch，今次就嚟試下呢間由日本人與本地人合作開設嘅「盛寅慢煮製麵」。餐廳主打拌麵和湯麵，另外亦有泡飯和小食等供應，選擇好豐富。點咗個一人專享套餐 ($69)，個套餐非常抵食，包炸物拼盤或野菌油菜+拌麵/湯麵/泡飯及飲品。拼盤有無骨雞翼、雞皮餃子、蜂巢豆卜，每樣一件。雞翼即叫即炸，入口啖啖肉；餃子油香十足，餡料飽滿；豆卜內有鯪魚肉和粟米，咬下酥香鬆化。蔥油雞泡飯·洋蔥大蒜雞湯，蔥油雞可以自選部位，揀咗雞腿肉，肉質好嫩滑，原來餐廳所有嘅肉類都係經慢煮處理，以保持鮮嫩質感，唔怪得食落滑溜又有雞味。連跟餐嘅湯都係經老闆改良，每日新鮮即製，湯頭清香鮮甜，用嚟泡飯真係一流！另外仲點咗碗味噌豬面肉配菠菜麵及大地魚蝦米湯 ($52) 豬面肉以慢煮方式烹調，再輕輕烤香，表面微脆，內裡嫩滑多汁，加上味噌、味醂調味，潤色增鮮。菠菜麵綠油油，麵質滑口有嚼勁，加上鮮甜濃香嘅大地魚蝦米湯，令整碗麵嘅食味提升不少。味付溏心蛋 ($19) 兩隻溏心蛋嘅表現也很不錯，蛋白嫩口，蛋黃滑順，食落蛋漿綿綿，非常好吃！飲品點咗凍鴛鴦 (跟餐) 同 玉泉忌廉 ($
放假又嚟牛頭角搵食，上次同朋友去咗間無印風 Café 食 lunch，今次就嚟試下呢間由日本人與本地人合作開設嘅「盛寅慢煮製麵」。
餐廳主打拌麵和湯麵，另外亦有泡飯和小食等供應，選擇好豐富。
點咗個一人專享套餐 ($69)，個套餐非常抵食，包炸物拼盤或野菌油菜+拌麵/湯麵/泡飯及飲品。
拼盤有無骨雞翼、雞皮餃子、蜂巢豆卜，每樣一件。雞翼即叫即炸，入口啖啖肉；餃子油香十足，餡料飽滿；豆卜內有鯪魚肉和粟米，咬下酥香鬆化。
蔥油雞泡飯·洋蔥大蒜雞湯，蔥油雞可以自選部位，揀咗雞腿肉，肉質好嫩滑，原來餐廳所有嘅肉類都係經慢煮處理，以保持鮮嫩質感，唔怪得食落滑溜又有雞味。
連跟餐嘅湯都係經老闆改良，每日新鮮即製，湯頭清香鮮甜，用嚟泡飯真係一流！
另外仲點咗碗味噌豬面肉配菠菜麵及大地魚蝦米湯 ($52) 豬面肉以慢煮方式烹調，再輕輕烤香，表面微脆，內裡嫩滑多汁，加上味噌、味醂調味，潤色增鮮。
菠菜麵綠油油，麵質滑口有嚼勁，加上鮮甜濃香嘅大地魚蝦米湯，令整碗麵嘅食味提升不少。
味付溏心蛋 ($19) 兩隻溏心蛋嘅表現也很不錯，蛋白嫩口，蛋黃滑順，食落蛋漿綿綿，非常好吃！
飲品點咗凍鴛鴦 (跟餐) 同 玉泉忌廉 ($12)，鴛鴦味道唔錯，奶茶同咖啡味都好均勻，真心 Like。
Post
