新籽田會館 (Closed)

朋友話12月食太多西餐食到啲悶, 所以特登帶我黎呢家私房菜館, 這裏主打淮揚菜, 裝修富有中國色彩, 麻雀雖小, 但五臟俱全，仲有戶外座位，景觀非常開揚。淮揚菜個名有少許陌生，所以特別google 吓，原來獅子頭、東坡肉、同龍井蝦仁都係淮揚菜，而淮揚菜係中國四大菜系之一，代表東邊江南地區菜式，多以河鮮入饌，菜式調味清淡，講求食材本味, 講求刀功。了解多些後好似食都會食得開心啲😝簡單叫咗幾個菜式：🥢老火湯粉葛雞腳湯 個湯好濃郁清甜，料非常多，飲得出係老火燉湯，冬天飲番啖熱湯，人都暖番晒，啱晒平時少湯水既我🥢冷盤3小碟（饞嘴烏雞爪 、金陸鹽水鴨 及油燜高山野笋 ）烏雞爪是麻辣的，很惹味，而且是爽口彈牙。金陵鹽水鴨，簡單咸味提味，帶出細嫩鴨肉。油悶高山野笋，清甜爽脆🥢揚州糯米燒賣 炒過已調味的糯米飯釀入餛飩皮包成燒賣樣子，即叫即蒸，熱焫焫好食，糯米飯調味適中，是飽肚的小點心。🥢砂窩龍井燻雞 （半隻）以龍井茶葉煙燻，一打開蓋就好香龍井茶味，雞肉嫩滑，滿滿的龍井香味。🥢三絲茭白茭白筍是第一次食，店員推介呢個，菜到睇到以為係尹麵，但食落就知係筍，茭白切成細絲，爽口清甜，配著三絲一起吃，好輕盈的感覺