Video
Read full review
2023-08-28
62 views
呢間餐廳食物款式多，有超多唔同款式嘅茶記美食，大部份都係港式fusion西式菜，款式幾多而且幾特別！佢嘅食材用料一啲都唔馬虎，食材大部份都係由外國進口，好有誠意嘅一間小店！裏面嘅裝修都幾光猛，闊落坐得舒服，有少少Cafe嘅感覺，晚飯時間去都座無虛席！------------------------------👑◖二人火鍋套餐◗ $268呢個係荔枝角分店限定嘅二人火鍋套餐，包咗一款自選鍋底、雜錦蔬菜拼盤同甜品兩客，份量都算幾豐富，而且仲有凍櫃飲品任拎！🥤鍋底揀咗花膠雲吞雞煲🐓，好足料有半隻雞嘅雞件同好多雲吞！雞件係海南雞嘅肉質，嫩滑唔乾柴，而且好有雞味；用嘅花膠都幾厚身，膠質好豐富；另外仲有啲白蘿蔔同娃娃菜一齊去熬煮，清甜入味！🥬◖雜錦火鍋配料◗ 火鍋套餐跟咗一個雜錦火鍋配料，入面有啲雜菜同埋丸類，份量都幾多！雜菜有娃娃菜、油麥菜、生菜、金菇、蘿蔔、粟米、翠玉瓜、豆腐，另外仲有三款隨機丸類，當日試到花枝丸、黑椒牛筋丸同龍蝦丸，大部份都係台灣進口，好鍾意佢個花枝丸，有好多墨魚肉夾雜喺裏面，食落好鮮甜！🥓◖新手肉食套餐◗ +$30佢原本套餐係冇打邊爐嘅肉片，要客人自己價錢跟配，呢個新手套
------------------------------
👑◖二人火鍋套餐◗ $268
呢個係荔枝角分店限定嘅二人火鍋套餐，包咗一款自選鍋底、雜錦蔬菜拼盤同甜品兩客，份量都算幾豐富，而且仲有凍櫃飲品任拎！🥤
鍋底揀咗花膠雲吞雞煲🐓，好足料有半隻雞嘅雞件同好多雲吞！雞件係海南雞嘅肉質，嫩滑唔乾柴，而且好有雞味；用嘅花膠都幾厚身，膠質好豐富；另外仲有啲白蘿蔔同娃娃菜一齊去熬煮，清甜入味！
🥬◖雜錦火鍋配料◗
火鍋套餐跟咗一個雜錦火鍋配料，入面有啲雜菜同埋丸類，份量都幾多！雜菜有娃娃菜、油麥菜、生菜、金菇、蘿蔔、粟米、翠玉瓜、豆腐，另外仲有三款隨機丸類，當日試到花枝丸、黑椒牛筋丸同龍蝦丸，大部份都係台灣進口，好鍾意佢個花枝丸，有好多墨魚肉夾雜喺裏面，食落好鮮甜！
🥓◖新手肉食套餐◗ +$30
佢原本套餐係冇打邊爐嘅肉片，要客人自己價錢跟配，呢個新手套餐包咗最普通嘅肥牛片同豚肉片，肉片都切得幾厚，打邊爐淥下淥下都幾好～
🌟 Encore指數：8.9/10
Post
