皇后冰室

Open Now

Now Closed

工廈樓上餐廳個名叫冰室，但係格調同食物我都覺得係cafe質素。觀塘區平日就話多生意，開業短短幾個月，星期六去都有唔少附近街坊捧場客。港西日風味只做午市同下午茶，但選擇都算幾廣泛，仲有得加配前菜，食得更精緻。第一次嚟就係食下午茶，價錢就比午市平，但依然超級多份量，唔知午市係一樣定係更大份😂蘇格蘭煙三文魚蜆肉刁草忌廉汁炒天使麵 $49炒得夠乾身，唔會黐埋但又唔會油，蜆肉細細粒，但都增加咗口感，煙三文魚滑身帶少少鹹香，點綴咗個炒意粉西西里雞扒蛋包飯 $50略嫌個燒汁多咗少少，但個蛋包飯本身新鮮即整超好味，蛋皮薄身少少脆邊，雞扒煎得香又夠彈滑香煎自家漢堡扒配黑椒汁 $45漢堡扒有三大塊，厚身多汁，個黑椒汁偏辣係細細個食開茶餐廳味道即磨薯蓉焗法國田螺 $18田螺大大粒幾彈牙，薯蓉偏乾身唔係出面食開嘅蒜油味道，但落咗燒汁較易入口招牌自家製芒果布甸 $12因為鍾意布甸狗，見到黑板畫咗隻咁靚嘅先俾面叫下，本身以為係茶樓水準，冇諗過佢係勁高質，入面勁多香甜芒果粒羅宋湯 $4唔辣唔油好多肉碎，肉碎偏瘦但都好食，抵加！