Salsa Cafe

Open Now

Now Closed

美國返黎第一餐，同事知我未黎過，所以帶我一試，評一評。一間唔起眼既餐廳，真係行過唔留意都見唔到，門面裝修非常簡潔，而內籠應該係無裝修過，只係將四面牆同天花油上白色。地方較細，坐得唔多舒服，lunch 時間都幾多食客，要等位。睇睇個 menu，屬港式快餐穏陣類，雞牛豬魚、飯意粉薯菜，一試無妨 ~忌廉湯，餐湯，忌廉水，係咁多。芝士焗吞拿魚蝦意粉，含佢夠穏陣，食得出係即熱辣辣焗，吞拿魚碎足料無搵笨，芝士味夠濃，再加上帶咸味吞拿魚，好重味，其實都幾好食，但餐後要大量飲水去中和。意粉港式煮法，略為過火，偏腍發脹，都免強還有少許咬口，接受。蝦肉爽口彈牙，唔錯。香草白汁斑塊意粉，斑塊帶腥味，口感鬆散，意粉同一問題係煮得過火，總括黎講港式快餐，接受。