芳華絕代 (Closed)

係附近行街買了盆栽，見到尼間裝修好港式，翻開菜單先知是泰國菜，都幾特別。先上佐泰式青木瓜沙律。青木瓜切成細絲，與豆角、番茄撈在一起，醬汁酸酸辣辣，加佐蒜汁，開胃又減肥的感覺。泰式炒通菜好香，鍋氣足，通菜顏色青翠，口感又唔會太軟，炸的蒜蓉又香。泰餐點少得椰汁雞湯。雞湯顏色濃白，椰汁香味撲鼻而來，但是尼款椰湯完全唔會有雞湯的膩，表面也睇唔到雞油，抵讚，唔驚熱量爆棚。飲落椰湯甜甜酸酸，非常開胃。湯裡的雞肉好㜛，浸滿椰汁的甜香味，好特別。燒烤串燒每樣兩串，有雞肉，牛肉，肉質幾嫩，蘸沙爹醬唔錯。炸魚皮好大舊，幾脆卜卜。甜品是重點，點了芒果糯米飯加個雲尼拿雪糕。將椰奶淋系糯米飯上就可以開始食啦。糯米飯糯唧唧，甜甜哋。芒果是新鮮的芒果，甜中帶了少少酸。雪糕都好滑。