鮮‧港式串燒吧 (Moved) New Location

觀塘工廈另類嘢食，一入到去就可以去射下飛標，如果想比賽，可以每人五大元就會自動幫你計分，可以消磨時間同娛樂一番。叫左鮮前菜三小碟，有枝豆，芥末八瓜魚同日式鮑魚，岩晒吹水飲野，又開胃。由於港式關係，所以唔少得魚旦，腸仔、墨丸之類。鹽燒雞翼，少少海鹽反而吃到雞鮮味，粟米好甜，脆肉瓜同露荀好爽脆，不過有如去返讀書時期既燒烤。值得一讚係豬頸肉同牛仔骨，38一份，份量足，火候十足，所以肉汁保存得好，豬頸肉配上自制酸辣汁，好惹味，牛仔骨可以點少少燒肉汁吊吊味。燒油甘魚鮫都唔錯，魚肉嫩滑又多肉，同日式鋪頭有得揮。炸牛乳蟹肉薯餅，好香滑，加上淡淡蟹肉味，足料到一咬落去，爆晒牛乳出來，幾特別。