Moment Cafe

Open Now

Now Closed

游完水，同朋友去左share一個餐，因為佢想飲咖啡，我想飲果汁，呢度就兩樣都有，我地六點係附近訂左枱食晚飯，未夠鐘，但我又肚餓，所以簡左班尼蛋包，佢有兩件一模一樣既包，就可以一人一件，啲沙律醬甜甜地幾好（但個人唔鍾意甜沙律醬，鍾意醋）仲有兩片橙同一粒蕃茄仔（個蕃茄我懷疑無洗過，有啲泥，又凹凹地唔靚，但我無同朋友講，就咁叫左佢食😂）我黎過呢度幾次嫁啦，幾鍾意飲佢個苦瓜蜂蜜雪梨汁朋友叫左個接骨木凍咖啡，我地都覺得個味有啲怪留意到佢地係唧唔同既糖漿整唔同味既咖啡啲醬個樽好靚既，我係其他咖啡店見過係外國造，我諗大家都見過。但個人唔係咁鍾意飲成品。苦瓜蜂蜜我諗我可以試下自己整黎飲，可以成日飲保持健康，又平啲。