鼎點 1968 (Moved) New Location

呢間餐廳嘅野真係唔好食，食物質素都好差吓！我同兩個朋友去食，每人一杯野飲，之後嗌左七八個點心一齊share。我朋友叫左杯橙汁，好似水咁，仲難飲過果粒橙，點解佢可以話鮮榨？😨 另外兩杯野飲都係偏甜！仲有鳳爪同埋蒸排骨，下面墊住嘅竟然係炸薯條，真係好無奈😰😰😰 steamed fries lol 平時啲點心下面放啲菜墊住嚟蒸就係為咗吸油，你放啲炸薯條係度，即係想點？🙄個小籠包真係好難食，係我成世女食過最難食嘅小籠包！嗰碟油菜白烚既，一滴油都無，鍾意健康主意嘅人都可以試吓。個黑松露燒賣，裡面啲蝦一啲都唔爽，幾大粒都冇用。唯一比較好少少既就係個賽螃蟹春卷，起碼無炸燶👍🏻如果你想去呢間餐廳食野，請三思。