栢檔去骨海南雞飯 (Closed)

原本同朋友想去佐敦食果間好出名的咖哩店, 去到見到好多人, 又見到d位勁逼, 即閃, 其實, 香港的食店通常都係咁, 可能係貴租的關係吧!行多兩步, 見到此店, 又有位, 一於入去試下!D位都逼逼地, 好彩我地兩個人坐左一張四人檯, 地方都幾唔乾淨, 地面好滑, 收碗碟的桶又放在店中心, 都幾唔衛生, 真係要改善下, 唔係幾好食都無用我地每人叫左一個大的海南雞飯套餐, 呢個餐包埋一碗湯.....呢個湯足料, 味濃, 好甜好好飲, 應該無咩味精, 好有屋企老火湯的味道, 大讚!!雞都幾滑, 不過雞味比較淡, 至於個雞油飯, 真係淡左D, 無咩味, 唔夠香口, 嚴格黎講, 好難稱得上做海南雞飯專家!個醬汁都係一般, 甜酸醬唔夠酸, 不過個薑蔥都幾特別, 係兩樣野搞到爛晒, 入口感覺都好!我地仲叫左個油菜, 不提也吧, 只係"卓"熟加蠔油, 菜又老又實可能用個湯送飯仲會有驚喜!