十二鍋 (Closed)

一直都好想試呢間一人一鍋，今日終於都食到，因為有時放工遲咗少少嚟到已經好多人排隊。店舖座位唔多。叫左台式麻辣鍋湯底，包左好多配料，呢個價錢黎講都算幾豐富。可以揀粉絲或者白飯。減緊肥，所以揀左粉絲，吸埋啲麻辣湯好正！麻辣湯做得都唔錯，幾有台灣食到嘅感覺。但係肉類方面，份量就比較少，鍾意食肉嘅話可能會覺得唔係好夠。整體份量對我黎講都係剛剛好，食埋粉絲都唔係話好飽，不過都夠嘅！飲品可以揀紅茶/綠茶，都幾夾個鍋。唔洗排隊嘅話都ok嘅！