樂麵

Open Now

Now Closed

難得嚟到葵芳，本來想去葵廣掃街，不過實在太攰，要搵個地方坐下，於是就過咗新都會食拉麵。先嚟個小食椒鹽炸魚蛋，一客兩串共六粒，細細粒，熱辣辣好彈牙，面頭嘅椒鹽又夠惹味，於是食下一粒食下又一粒，眨下眼就食哂兩串😂。真熬雞白湯拉麵，顧名思義，個湯先係主角，上枱時見湯底奶白色，上面有少少泡，幾吸引，即刻飲一啖，嘩！真係堅好飲，雞味濃之餘湯底又鮮甜，未開始食拉麵已經飲咗三份一😆。配菜有豬雞鴨溏心蛋同筍，味道正常，我覺得所有肉類肉質嫩滑，有啲似慢煮肉嘅 feel，唔錯。至於拉麵就一般，雖然我揀咗硬口感，但係可能因為麵條偏幼，所以就唔太夠咬口啦。由於雞湯真係好好飲，最後我係飲到一滴不剩😌。