三不館車仔麵 (萬利商業大廈)

Open Now

Now Closed

唔知食咩又想簡單醫下肚，就會揀下食米線或者車仔麵，我今次揀左食三不館車仔麵😝現場裝修好特別，但係如果要講坐得舒唔舒服，其實就真係唔太舒服🥲加上我坐喺近門口嗰張枱，向住窗邊，仲要同另外一齊搭枱，太迫。我亦都着咗裙，坐喺交叉位我係放唔到隻腳入去，結果要同朋友調位。三餸一麵我揀左特別既雪濃金湯，真係特別香☺️有少少好似忌廉既感覺朋友就揀左沙嗲湯底，佢都大讚個湯好味😋餸個方面，我要蝦條卷牛腩同埋咖喱魷魚🦑蝦條卷就係好似薄薄的腐皮包住蝦肉再分三段。肉質爽實😝牛腩唔算多，但吸埋個湯好夾👍🏻咖喱魷魚亦都唔會咬唔開，亦都係爽口，咖喱味唔算太重凍奶茶餐飲包裝，亦都有啲心思，味道就正常唔算特別。