博多拉麵別天神 (Closed)

位於尖沙咀較為少行人嘅街巷入面，環境寧靜，以開門食肆黎講，唔會好大人聲車聲同飛塵。店入面似係日本食拉麵，係用自動販賣機，揀左蝦味噌豚骨拉麵配四隻餃子，盛惠115蚊。湯底唔錯麵質都彈牙嘅，但餃子好普通，如果115蚊，有其他好選擇。不過有一樣野唔係太好，呢次坐左吧枱最入面個位，食食下發現個位係店員們專用黎回收食客食完餐具，有食客依然都係照回收污糟餐具同杯碗，放係我面前，有啲無奈，感覺唔太衛生，而且其他吧枱位置係冇其他客人，當時得我坐係度，唔明點解唔用其他位置做呢個動作，希望可以改善下。