十二味 (碧麗花園)

Open Now

Now Closed

好似好耐冇食過酸菜魚咁，所以一月一聚會嘅餐廳就揀咗近朋友屋企附近嘅十二味。佢話好想食口水雞，於是揀咗個口水雞嚟試吓。佢啲雞都幾滑，又唔會太肥，個辣度都啱啱好，小小麻，幾開胃。另外我哋仲揀咗個涼拌木耳，酸酸微微咁，木耳又夠晒爽脆，都係一個幾好嘅開胃小食。今晚嘅主角當然都係酸菜魚，一如既往嘅足料，有晒我哋最鍾意嘅萵筍同埋有大量嘅酸菜，啲魚夠晒滑就唔使講啦。佢呢間個湯頭都好好飲，酸度好夠，有少少辣辣地，攞嚟撈飯真係冇得頂。而家咁方便我哋都叫咗熱情果梳打，不過原來叫少冰個份量會少咗咁多。兩個人食飽飽，呢個份量啱啱好。