肥仔雲南小鍋米線

Open Now

Now Closed

星期五夜晚7點幾去排隊，好彩條隊唔係太長，等三張枱就到，大概等咗20分鐘，反而有好多人要排隊買外賣但大熱天時喺條巷仔排隊，真係又焗又熱。好彩舖頭冷氣都ok, 鋪面好細，我哋今次叫咗兩碗小窩米線，同兩個小食，等咗大概20分鐘…一碗係小窩米線加炸醬腩肉大腸另外一碗係小窩米線加炸醬腩肉芫荽個湯底幾濃幾好味但係一飲落去「嘩！咁甜嘅」。腩肉好入味，但就鞋左啲。炸醬都好味好大舊肉碎。聽人哋推介墨魚咀，所以做嗌咗嚟試吓。酸酸甜甜嘅醋汁，都幾開胃。豬頸肉都唔錯，唔點甜酸醬都好夠味。