座銀

Open Now

Now Closed

座銀主打雞湯底嘅拉麵。第一次嚟我揀咗雞白湯拉麵($138)，朋友就揀咗雞沾麵($148)。落單等咗大概15分鐘，食物就上枱了。雞白湯拉面上放咗炸過嘅牛蒡，浸落湯吸滿咗雞湯好好味。碗內有一大塊豚肉和雞肉，真係非常大片，望落都好嫩滑。最特別嘅係湯好綿密，好似打過嘅奶泡一樣，入口滑身。拉麵軟硬剛好，亦十分彈牙。雞沾麵嘅材料同雞白湯拉麵相同，不過湯底就再濃啲同咸少少。個人覺得湯麵比較好味，食耐咗湯底會開始有啲凍。店內嘅女洗手間仲好貼心咁提供咗免費牙刷、牙膏、漱口水等用品方便客人使用。呢啲貼心服務都令間餐廳加分!!