Video
Read full review
2020-06-13
337 views
香港人不嬲鐘意泰國菜，不過船麵咁地道嘅泰國食物，竟然係呢幾年先hit。今次嚟到觀塘「船長」呢間主打泰國船麵嘅餐廳，裝修黃，內在都好黃，有唔少文宣～但座位分隔有些少奇怪，中間好多空位，但四邊枱與枱之間就幾逼，唔太明白點解咁分配🤔.泰國招牌船麵 $58 跟餐包野飲及兩件春卷湯底濃郁，好香豬紅及泰國香料味，甜甜地飲唔住一啖接一啖飲～配料方面，蝴蝶腩都幾爽口入味，但唔算好特別；豬肉略嫌太乾，豬肉丸唔錯，但都係坊間會食到嘅質素；反而豬潤夠腍夠滑，冇異味，同湯底好夾，幾有驚喜。想食特色野，就必定要揀泰國黃麵，好有蛋香，質地有啲似港式幼麵（不過冇鹼水味）女仔嚟講食完唔夠飽，講緊食埋跟餐嗰兩件春卷🥺 而隔離西裝友嗌嘅炸雞翼望落太好味，於是就加單了🙋🏽♀️ .曼谷街頭炸雞翼 $24單骨雞翼炸得好香脆，雞肉嫰滑juicy，又唔會好油膩，熱辣辣好好味～ 同朋友極速消滅了.總括嚟講，lunch份量都算幾唔足夠，可能嗌金邊粉會飽肚啲～男仔嘅話，可能要加底，或者嗌多個小食先夠飽🤔
今次嚟到觀塘「船長」呢間主打泰國船麵嘅餐廳，裝修黃，內在都好黃，有唔少文宣～但座位分隔有些少奇怪，中間好多空位，但四邊枱與枱之間就幾逼，唔太明白點解咁分配🤔
.
泰國招牌船麵 $58 跟餐包野飲及兩件春卷
湯底濃郁，好香豬紅及泰國香料味，甜甜地飲唔住一啖接一啖飲～配料方面，蝴蝶腩都幾爽口入味，但唔算好特別；豬肉略嫌太乾，豬肉丸唔錯，但都係坊間會食到嘅質素；反而豬潤夠腍夠滑，冇異味，同湯底好夾，幾有驚喜。
招牌船麵
6 views
0 likes
0 comments
想食特色野，就必定要揀泰國黃麵，好有蛋香，質地有啲似港式幼麵（不過冇鹼水味）
女仔嚟講食完唔夠飽，講緊食埋跟餐嗰兩件春卷🥺 而隔離西裝友嗌嘅炸雞翼望落太好味，於是就加單了🙋🏽♀️
.
曼谷街頭炸雞翼 $24
曼谷街頭炸雞翼
9 views
0 likes
0 comments
單骨雞翼炸得好香脆，雞肉嫰滑juicy，又唔會好油膩，熱辣辣好好味～ 同朋友極速消滅了
.
總括嚟講，lunch份量都算幾唔足夠，可能嗌金邊粉會飽肚啲～男仔嘅話，可能要加底，或者嗌多個小食先夠飽🤔
Post
