無老鍋

Open Now

Now Closed

好耐之前喺台灣旅行食過，開咗嚟香港之後一直都好想食，今日兩個人打邊爐決定去試一試；單點邊爐預咗價錢貴啲，但係食物質素、服務態度都會好啲，果然一入到餐廳，氣氛零舍唔同，氣派裝修，座位闊落，落地玻璃，環境舒適，我地兩個人坐卡位，櫃桶仲好貼心有叉電線😆湯底我哋選咗鴛鴦鍋，👉🏼冰淇淋豆腐鍋+無老辣香鍋（每位$78，鴛鴦鍋每枱另需收費$88），兩款都好好食，味道層次幾豐富，唔會得個死咸，冰淇淋豆腐其實都係過下癮，食落同魚腐差唔多，口感軟綿綿，而辣香鍋就唔算好辣，免費任加嘅凍豆腐&鴨血索晒湯好正，店員會主動埋嚟添加，我哋都加咗兩次！任食嘅白飯用上珍珠米，加湯撈飯忍唔住食晒成碗👉🏼上選牛小排 $368開頭睇相以為份量好少，但係原來啲肉下面都疊得幾多，牛肉味幾濃，油花均勻，肉質軟嫩👉🏼梅花豬肉拼去骨雞髀肉 $128豬肉嘅質素都唔差，肥瘦適中，口感結實，肉味香濃。雞肉就正常質素，入口唔會鞋👉🏼綜合丸 $128最鍾意蝦丸，真係有成隻蝦喺入邊，好彈肉，係自家製嘅手工丸，真材實料有驚喜👉🏼綜合餃 $118一次有晒三款餃，台灣獨有嘅蛋餃，蛋皮香滑香，豬肉餡唔多，另一款都係來自台灣嘅燕餃，魚皮餃就正常質素食到最後