愛上米線 (香港仔中心) (Closed)

今日去完蒲台島行山係香港仔落船，落船後覺得有d肚餓，所以就係附近搵野食完先回家，望到對面馬路有間愛上米線，上次食過覺得都吾錯，所以緊係再去encore啦！餐廳係本地口味既米線，米線款式吾算多，重質不重量，價錢由$48-$62，我地下午茶時段去平$10，仲可以免費添米線或飯，飯係採用日本珍珠米，我地加左$18 轉套餐，套餐包括1款小食和飲品，我地再另加$4轉左特飲。紅燒排骨湯米線（牛骨湯）湯底可以選牛骨或豬骨湯，我就簡左牛骨湯底，牛骨湯底濃味當中帶淡淡藥材味，排骨份量都幾多，肉質算腍同嫩滑，米線份量都足夠，我就吾需要再添食了！芫茜皮蛋脆鯇魚湯米線湯底係奶白色既魚湯湯底，證明夠曬真材實料，如果係芫茜愛好者，仲可以選擇多芫茜添，脆鯇魚份量足夠，如果可以再脆口d就更好，米線夠曬滑，又吾會煮得太腍。麻辣豬耳豬耳份量都幾多，夠爽脆，麻辣味十足，夠曬刺激味蕾！醋香青瓜白木耳白木耳都係第一次見，都幾特別，青瓜爽脆，淡淡既醋味又吾會太辣，幾好味！炸蝦醬雞翼雞翼炸得金黃香脆，雞肉夠嫩滑又juicy ，蝦醬味吾會太濃烈，香口又惹味。蔥油餅蔥油餅好酥脆，略帶蔥香味，建議要趁熱食。芒果乳酪梳打酸酸甜甜的芒果梳打