星林居雲南米線餐廳 (Closed)

學生最愛酸辣麻辣米線平時放學如果諗唔到食咩都會黎星林居食返碗米線 佢呢度嘅配料其實平平無奇 但主角係佢個湯底唔知點解食完佢個湯底之後真係返唔到轉頭 呢度嘅湯底食得出唔係味精俾譚仔其他連鎖米線餐廳嘅味精湯底有過之而無不及！ 成日食食吓不知不覺就會食晒成碗 每次嚟到呢度都見到有好多學生同埋旅客 基本上每次都見到好多人不過米線呢間鋪頭都算比較貴 因為佢嘅飲品係要另外加錢 但係佢嘅凍奶茶真係幾好飲所以有時貴少少我都會照叫 呢度唯一唔好嘅地方可能就係侍應態度有少少煩躁 如果客人落單冇跟到規矩可能就會俾人鬧另外提醒大家如果係學生嘅話可以問老闆另外拎一張學生紙 用嚟叫嘢食會平啲㗎！ 如果大家未食過一定要嚟呢度試吓 唔會令你失望