大越越南餐廳

Open Now

Now Closed

大越絕對係沙田區嘅越南餐飯堂，幾乎每星期都要幫襯，全因為個足料湯底。好多越南餐廳個湯惹味，但食完要係咁飲水，你就知咩事；大越永遠唔會有呢個情況，無論牛湯定叻沙，都係好味到食晒碗粉再飲埋啲湯，然後一啲都唔口渴，只有真材實料先做到。湯河嘅牛肉充滿牛味，食得出係靚料，而且唔會切到薄依依；叻沙都係呢度嘅招牌，唔同香料嘅香味十足，椰汁又夠，非常惹味！另外阿女最鍾意食呢度嘅海南雞飯，滑身又有雞味，油飯香而不膩，老婆有時話晚餐加料都叫一隻返屋企。而小食就推介春卷 (非常足料)、無骨鳳爪、蝦餅。阿女都好鍾意飲呢度嘅椰汁真多冰，喜歡佢夠足料，又香滑。Bonus: 老闆好靚仔，成個ChiLam咁！