尚上下夏 - 養生雞煲火鍋 (Closed)

好耐冇食雞煲啦，今日終於抽到時間出街食晚飯。呢間雞煲特別在你可以有兩個湯底，我哋揀咗一邊雞煲一邊係瑤柱群翅雞湯。雞湯嗰邊都好足料，兩大舊雞同埋一大舊群翅。個湯仲要好濃烈，淨係聞都覺得滋潤。而佢呢度個雞煲都做得好出色，因為啲雞真係滑到不得了，好嫩又夠晒味。除此之外佢特別在仲放咗啲豬皮落去，啲朔晒執嘅豬皮真係冇得頂。食完晒啲雞之後就加另外一款湯，另外一個湯底我哋揀咗龍蝦湯。佢一想來到落去嘅時候好香龍蝦湯嘅味，但係其實撈埋啲雞汁個味道就比雞汁嗰邊遮晒。我哋叫咗碟手切靚牛皇，不過有啲失望嘅係原來佢係冰鮮嘅，唔係我想像中嘅新鮮牛肉，不過佢呢隻牛都好瘦，唔會太肥。然後我哋叫咗個珊瑚蚌拼桂花蚌，都幾爽口，不過就唔係太索到湯嘅味。另外我哋揀咗個蝦膠釀冬菇，啲蝦膠都幾彈牙，連買到冬菇一齊食都幾香。另外我哋仲叫咗冬瓜片，佢呢度有幾好心機將啲冬瓜片切得好特別。啲萵筍都幾新鮮，冇根冇渣，擺喺龍蝦湯嗰邊索味啲。然後我哋仲揀咗皇帝菜，佢呢度啲皇帝菜都幾新鮮，似係菜苗咁，唔會太老。嘢飲方面我哋揀咗佢個自家製嘅菊花蜜，夠晒冰凍真係透心涼，甜度又會啱啱好，感覺夠晒清熱氣。