品越越式料理 (康怡廣場北座)

Open Now

Now Closed

同男朋友喺康怡睇完戲，跟住揀咗呢間越南餐廳食個晚飯。佢有個特惠二人餐，不過因為太夜唔想食咁多，所以淨係叫咗個小食同埋一碗粉就算。小食方面，我地叫左個法式牛油雞翼，雖然賣相金黃，但炸粉太厚，食落啖啖都係粉，完全蓋過雞翼嘅味道。另外，我地再叫左個豬扒湯檬，豬扒份量足夠，煎得金黃，香脆可口。必須一讚係個湯底，雞湯底，超清甜香濃，唔多味精，即使我飲晒成個湯底都唔會口喝，超正! 再加埋少少清檸汁，令味道更上一層樓，如果鍾意食辣嘅你，不妨加少少辣椒調下味。