蔡瀾越南粉 (Closed)

以往都食過唔少越南湯河，之前一直都有聽聞蔡瀾湯河主打濃郁既牛骨湯底。本身寄予厚望，今日終於有機會試，食左碗熟牛肉拼牛丸湯河。起初一食牛肉同牛丸，都覺得牛肉好嫩滑，牛丸亦好有口感，都好欣賞牛肉好新鮮足料。但當飲湯既時候，第一啖已經覺得味道太濃，但繼續食湯河，就算無飲到湯，都會感覺成碗湯河都好咸。分唔出到底係太重味精定太重鹽。食完只會想不停飲水黎沖淡口內濃濃咸味總括而言，牛肉雖然口質唔錯亦新鮮，但它所謂的靈魂所在「牛骨湯」卻令人大失所望。再食多幾次，都擔心會腎虧。